|
Die Charolais Genootskap van Suid-Afrika bring
hiermee onder telers se aandag dat CB23-188 as ’n
KI-bul beskikbaar is, maar dat die bul nie aan die
huidige standaarde van die Genootskap voldoen nie.
Die Raad het gevolglik besluit dat nageslag wat uit
die gebruik van CB23-188 voortkom, nie vir
registrasie by die Charolais Genootskap aanvaar sal
word nie. Telers word versoek om hierdie
inligting in ag te neem voordat semen van CB23-188
aangekoop of gebruik word. Hierdie kennisgewing
word gepubliseer om te verseker dat alle telers oor
die nodige inligting beskik ten opsigte van die
gebruik van hierdie genetiese materiaal. |
